*** الــفَــرْعَـــــه قـَـــالْــــيـَــه ***
يَاحَــالْ اهْــنَــا مَبْـــعْــدَهْ وَاطْـوَالُو لَـمْـرَايَـرْ
هَـا رَانِـي مَـتْوَحْـشَـــه الْــفَــرْعَــــه
الْفَــرْعَــه قَــالْــيَـه اعْـزيــزَه في قَـلْبي زَيْـنْ
مَـا نَـرْخَـسْـهَا حَـتَّى ابْــــسَـــــوْمَــــه
فِـــيهَــا سِــيدْ الــشّيخْ تَــهْدِي لَـــيْهْ الْعُرْباَنْ
وَاعْــبِـيــــدَهْ وَاقْــفَــا اتْـــسَـــــرْبــــي
سِـيدِي لَـحْوَلْ قَــبْـلْــتَــهْ شَـافْ اعْـلَى بَابَاهْ
أَو فَـلْـقَــــيْـثــه قَــــاعْ مَــا إيــبَــطُّــوشْ
عَــيَّـطْــتْ اعْـــلِــيهْ طَــلْـبْـتَهْ رَاهَا مَا تَبْـطَاشْ
أمْــحَــمَّـــدْ هُــوَّ أُو خُـوهْ لَحْوَلْ
*** رَانِـي حَــيْــرَانَـــه ***
رَانِـــي حَـــيْـــرَانَـه والْمْشبّبْ راهُـــمْ طَــبْــعُـوا عْــلِـــيـــهْ
أُو بَــحْـــرَهْ فَـــايَــضْ مَــايْــطِــيقُــوشْ الْــعَــوَّامَــه عْـــلِــيـهْ
مَــا فَــوْقَـــهْ حَــاكَـمْ رَاهْ وَلاّ تَــحْــتْ الْــلِّـي حَــاكْـمِــينْ
أعْــبُــوا بَـرْوَاحْـكُمْ يَـاالــنَّـاسْ الْـلِّـي رَاكُمْ قَــالْـطِـيــــــنْ
رُدُّوا زِيَّـــارَهْ امْــنَــيْنْ يَــحْـــظُــوا فَــالْـــفَــرْعَه دَافْـعِـيـــــنْ
مَــاهُــوشِـي لِــيكُمْ يَــاكْ هَــذَا مَــنْ بَــكْــرِي لَــلْــعْبــيـــــدْ
هَــذَا رَايْ امْــخَــابَــلْ مَـا يْـطِــيقُــوشْ عْــلِــيهْ إيـسَـلْكُـوهْ
كَــثْــرَتْ وَرَاثْــتَـــهْ يَــاكْ رَاهُـــمْ دَفْـــعُـــوهْ الْــــلاّنْـــشِـــيـــرْ
*** أدِّي عُنواني ***
أدِّي عـــــــنواني يَـــالْــــحُرْ بْـــنَ النِّــــيــــلِــيَّــه الْـــــــيُـــومْ
أتْـــعِـــيدْ اخْـــبَــاري في انْـهَارْ الْجَمْـــعَــه قَــبْــــــــلَ ازْوَالْ
رَانِــــي عَــطْـــشَــانَه ابْـقَـيْتْ نَـرْوَى مَنْ حَوْضَـكْ ياَ لـشّيخْ
رَانِــي فَــرْحَـانَـه امْـنَـيْـنْ شَــافَــتْ عَـيْـني ذُوكْ اطْــيُــــــــور
حَـــبّـــهْ مُـــولانَـــا أُو زَادْ لَـــهْ فَـــالدَّرْجَـــاتْ الْــعَــالْيــينْ
*** يَا خَيْـــري ياَ ناَ ***
يَا خَيْري يَاناَ وَالـشّــــــيخْ بُوعْمَامَه فَالَ الْخُطَّــــــارْ
يا خيري يانا وَالْـلِّي ابْــقَى إيْفَوَّلْ يَـــــدِّي تَــسْـريحْ
يا خيري يانا نَـبْـقِــي انْــشَــاوْرَكْ وَانْــتَ رَايَــكْ زَيْنْ
يا خيري يانا رُدْ اجْــوَابْ خَــبَّرْنِـي وَاشْ انْـــدِيــرْ
يا خيري يانا مُــحَــالْ مَـا نْدِيرَشْ رَايْ بْلاَ بــيــكْ
يا خيري يانا نَــبْــقي اصْـبَـاحْــهُـم سَـبْـعَه مَـجْمُوعِـينْ
يا خيري يانا بـِــيَّــا افْــرَاقْــهُمْ جَــانِي وَاعَرْ زَيْــــــنْ
يا خيري يانا مَـــا كََان مَــنْ إيــفَــارَقْ هَــاذْ السُّـــلْــطَـانْ
